Ukiumut aningaasanut inatsiseqarfiusumut 2003-mut inatsisartut aningaasanut inatsisigigallagaata allanngortinneqanera pillugu Inatsisartut inatsisaat nr. 7, 17. december 2002-meersoq.
Ukiumut aningaasanut inatsiseqarfiusumut 2003-mut inatsisartut aningaasanut inatsisigigallagaat pillugu Inatsisartut inatsisaanni nr. 6-imi 17. oktober 2002-meersumi makku allanngortinneqarput:
§ 1.
1. § 1-imi imm. 2-tut ilanngunneqarpoq:
"Imm. 2. Tamatuma saniatigut Naalakkersuisut makkununnga aningaasartuuteqarnissamik piginnaatinneqarput:
1) Sillimmasiinernut 9,8 mio. kr.-it angullugit.
2) Aalisarnerup aaqqissugaanerata naleqqussarneqarneranut 6,8 mio. kr.-it angullugit.
3) Raajanik tunisinermi akinut tapiissutinut 10,0 mio. kr.-it angullugit Inatsisartut Aningaasaqarnermut Ataatsimiititaliaata akuersereernerata kingorna
4) Tunisassiorfiit ingerlanneqarnerinut tapiissutinut 18,0 mio. kr.-it angullugit Inatsisartut Aningaasaqarnermut Ataatsimiititaliaata akuersereernerata kingorna.
5) Isumaqatigiissutinut nutaanut atatillugu aningaasartuutaanerusunut 6,0 mio. kr.-it angullugit Inatsisartut Aningaasaqarnermut Ataatsimiititaliaata akuersereernerata kingorna.
6) Nakkutigineqarluni najugaqatigiiffinnut, Kalaallit Nunaanni innarluutilinnik isumaginninnermut innarluutilinnillu suliassaqarfimmut aningaasaliissutinut oqartussaaffiup misiligutaasumik kommuninut nuunneqarneranut tapiissutinut atatillugu innarluutilinnut tunngasuni aningaasartuutaanerusunut 7,8 mio. kr.-it angullugit, 2003-mi aningaasartuutit tamarmiusut taamaalillutik 79,9 mio. kr.-iulersillugit angullugit Inatsisartut Aningaasaqarnermut Ataatsimiititaliaata akuersereernerata kingorna.
7) Sanaartornermi suliniutinik aallartitsinissamut 21,0 mio. kr.-it angullugit.
8) Iluarsaanermi suliniutinik aallartitsinissamut 9,8 mio. kr.-it angullugit.
9) Sanaartugassanut aallarteriikkanut aningaasartuutaanerusunut 14,3 mio. kr.-it angullugit.
10) Iluarsagassanut aallarteriikkanut aningaasartuutaanerusunut 15,0 mio. kr.-it angullugit.
11) Ukiumi aningaasanut inatsiseqarfiusumi kingusinnerusumi aningaasartuutitigut sunniuttussamik Inatsisartut Aningaasaqarnermut Ataatsimiititaliaata akuersereernerata kingorna 2003-mi sanaartugassanik nutaanik aallartitsinermut 25,9 mio. kr.-it angullugit, suliassanut aningaasartuutit tamarmiusut taamaalillutik 57,4 mio. kr.-iulersillugit.
12) Ukiumi aningaasanut inatsiseqarfiusumi kingusinnerusumi aningaasartuutitigut sunniuttussamik Inatsisartut Aningaasaqarnermut Ataatsimiititaliaata akuersereernerata kingorna 2003-mi sanaartugassanik nutaanik aallartitsinermut 26,3 mio. kr.-it angullugit, suliassanut aningaasartuutit tamarmiusut taamaalillutik 41,8 mio. kr.-iulersillugit.2. § 2-mi oqaaseqatigiit sisamaattut ilanngunneqassaaq.:
"Inuussutissarsiutinut ilinniartitaanernut sulisitsisut akileeqataassutissaasa allannguuteqaratik 0,9 %-iunissaat aalajangersarneqarpoq".
§ 2.
Inatsisartut inatsisaat manna 1. januar 2003-mi atuutilerpoq.
Namminersornerullutik Oqartussat, ulloq 17. december 2002.
Hans Enoksen/
Josef Motzfeldt